Botërori i Femrave/ Holandë-Suedi gjysmëfinalja e dytë, eliminohen Italia dhe Gjermania
Do të diskutohet mes Holandës dhe Suedisë gjysmëfinalja e dytë e Botëororit të femrave që po zhvillohet aktualisht në Francë. Mori fund në çerekfinale ëndrra e Italisë për të shkuar sa më larg në këtë kompeticion pasi dy gola në 20 minutat e fundit të sfidës fundosën vajzat e kaltra dhe kualifikuan në gjysmëfinale Holandën që triumfoi me shifrat 2-0. Një surprizë të bukur bëri Suedia që eliminoi Gjermaninë një herë kampione të botës. Në Rennes, vajzat nordike triumfuan 1-2 me përmbysje falë finalizimeve të Jakobson dhe Blackstenius. Pjesë e Suedisë është edhe futbollistja shqiptare Kosovare Asllani e cila u aktivizua titullare në takimin ndaj Gjermanisë Kompletohet kështu kuadri i dy sfidave gjysmëfinale të Botërorit të femrave që do të jenë Angli-Shtetet e Bashkuara të Amerikës dhe Holandë-Suedi.
