Botërori i Katarit humb një nga protagonistët, dëmtohet futbollisti i Sevillas
Lajm i keq për Sevillan dhe trajneri Jule Lopetegui. Ekipi andaluzian ka humbur shërbimet e Jesus Corona, i cili ka pësuar një dëmtim të rëndë në gju.
Anësori i djathtë meksikan, i cili u transferua nga Porto te Sevilla në merkaton e janarit, ka thyer kyçin e këmbës dhe pritet të qëndrojë jashtë fushave 4-5 muaj.
29-vjeçari numëron 67 ndeshje dhe 10 gola me kombëtaren meksikane. Ai ka humbur pjesëmarrjen në Kupën e Botës Katar 2022, aty ku Meksika është pjesë e grupit C bashkë me Argjentinën, Poloninë dhe Arabinë Saudite.
“I urojmë lojtarit shërim të shpejtë”, lexohet në postimin e klubit iberik në faqen zyrtare. Sevilla e filloi keq sezonin e ri në La Liga.
Djemtë e Lopeteguit u mposhtën 2-1 në Osasuna, ndërkohë që të premten presin në shtëpi Valladolid, sfida e javës së dytë në kampionatin spanjoll.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
