Briken Çalja nën-kampion Europe, një bullgar i rrëmben kreun
Shkoi në Gjeorgji për të mbrojtur titullin Kampion Europe, në Europianin e Peshëngritjes, mision të cilit i shkoi shumë pranë, por nuk ia doli, duke u renditur i dyti në dygarësh, me 339 kg të ngritura.
Peshëngritësi shqiptar mori medalje ari në stilin e shkëputjes, ku ngriti 156 kg, në provën e dytë dhe dështoi me 160 në të tretën. Më pas në stilin e shtytjes, dështoi në provën e parë për të ngritur 183 kg, të cilat i ngriti më pas në provën e dytë. Në provën finale, tentoi me 188 kg, por për pak nuk ia doli të pozicionohet dhe u mjaftua me medaljen e argjendtë të stilin e shtytjes dhe dygarësh.
Ndërkohë kampioni i ri i Europës është bullgari Bozhidar Andreev, i cili ngriti 345 kg në dygarësh, duke regjistruar edhe rekord europian. Bullgari ngriti plot 192 kg në shtytje, stil në të cilin shkëlqeu.
