Carlos Del Cerro, “bilbili” i drejtësisë te Partizani i Beogradit – Skënderbeu
Carlos Del Cerro është arbitri i përcaktuar nga UEFA për të vënë drejtësi në ndeshjen ku Skënderbeu do të luajë në fushën e Partizanit të Beogradit, në raundin e katërt të fazës së grupeve të Europa League.
Spanjolli 41-vjeçar është një prej gjyqtarëve të Primera Division, ndërsa mban stemën e FIFA-s për ndeshjet ndërkombëtare prej vitit 2013.
Në edicionin e kaluar të Kupës së Mbretit Del Cerro drejtoi edhe finalen, ku Barcelona fitoi 2-0 përballë Sevillas në “Camp Nou”.
Arbitri nga Madridi nuk është i panjohur për skuadrat shqiptare, pasi në edicionin 2015-2016 të Europa League gjykoi ndeshjen e turit të parë kualifikues, ku Laçi barazoi 1-1 në shtëpi përballë azerëve të Inter Baku.
Asistentë të Carlos Del Cerro do të jenë José María Sanchez Martinez dhe Santiago Jaime, ndërsa trupa spanjolle plotësohet nga arbitri i katërt, Javier Rodriguez.
Bazuar në 20 sfidat e fundit ndërkombëtare që ka drejtuar, Del Cerro është një arbitër që akordon mesatarisht 4 kartonë të verdhë në ndeshje.
