Cavani shuan shpresat e Interit: Respektoj deri në fund kontratën…
Edinson Cavani hedh poshtë çdo mundësi për transferimin e tij tek Interi në Serinë A. Në një intervistë për “Le Parisien”, “Matador” ka sqaruar një herë e mirë se ka ndërmend ta respektojë deri në fund kontratën me kampionët e Francës, që i përfundon në qershor të vitit të ardhshëm.
“Për të ardhmen time kam folur edhe sezonin e kaluar. I kam premtuar jo vetëm tifozëve por edhe vetes se do të qëndroj deri në fund të kontratës. Të shohim nëse futbolli do të mbajë këtu. Vendimi im mund të jetë që të kthehem në shtëpi, në Uruguaj, por kam premtuar se do ta respektoj deri në fund kontratën aktuale.”
Në shtëpinë e Interit, pas kësaj deklarate, duhet ta heqin emrin e uruguaianit në listën e dëshirave. Cavani madje zbulon se së shpejti do të ketë një bisedë me drejtuesit e PSG rreth rinovimit të mundshëm të kontratës.
“Sinqerisht, nuk po e mendoj. As që kemi folur me klubin. PSG pati një moment të vështirë në fund të sezonit, por po vë gjithçka në rregull. Do të flasim më vonë, por unë jam shumë i qetë, çfarëdo që të ndodhë. Kam 6 vjet këtu dhe Parisi është shtëpia ime. Do të jap maksimumin deri në fund.”
