Costa “vjell vrer” ndaj Atletiko Madrid: Nuk kanë nivel europian, akademia e vdekur
Diego Costa ka kalur një pjesë të rëndësishme të karrierës në radhët e Atletiko Madrid megjithatë diçka e tillë nuk e ka penguar aspak brazilianin të zbulojë të “palarat” e klubit spanjoll. Në një intervistë të fundit në një kanal të Youtube, 33-vjeçari thekson se Atletico nuk është në nivelin e klubeve europiane sa i takon infrastrukturës në qendrën stërvitore ndërsa shton se akademia nuk funksionon.
“Atletico nuk ka nivel europian, nuk mund të garoj aty me klubet e tjera të Europës. Është një gënjështer ajo që duket nga jashtë klubit, si strukturë klubi edhe Mineiro në Brazil është më mirë. Ushqimi është më i mirë te Mineiro se te Atletico, por edhe në lehtësirat që i ofron një lojtari. Nuk kam për të gënjyer, dhomat e zhveshjes janë një m… Pa harruar akademinë, ajo është e “vdekur”, totalisht jashtë funksioni”, tregon Costa.
Aktualisht, Diego Costa është pa skuadër megjithatë për sulmuesin ka inters nga Turqia, por në listë ka edhe klube nga Arabia Saudite, Brazili apo Amerika.
