David Beckham gati “të shpëtojë” Ronaldon nga makthi që po përjeton
Sezoni i Cristiano Ronaldos te Manchester United nuk është i pritshmi (pavarësisht golit të fundit, që i dha fitoren skuadrës ndjaEvertonit). Lamtumira e tij nga “Djajtë e Kuq” duket shumë afër dhe, siç raportohet nga “Daily Star”, Inter Miami i David Bekchamit është i gatshëm t’i ofrojë “yllit” portugez 30 milionë stërlina në sezon për ta bindur që të largohet nga Anglia dhe të provojë një aventurë në MlS. Gonzalo Higuain sapo i ka lajmëruar tërheqjen nga futbolli kështu që Inter Miami ka nevojë për një “yll” të ri në skuadër.
Siç thekson tabloidi anglez, e vetmja mënyrë për të nënshkruar me Ronaldon është si lojtar i lirë. Portugezi, megjithatë, e ka bërë të qartë se dëshiron të largohet nga Manchesteri sa më shpejt të jetë e mundur. Oferta e pabesueshme e Inter Miamit mund të shihet nga pesë herë fituesi i Topit të Artë si rrugëdalja perfekte nga situata e vështirë ku ndodhet. Ai synon t’u thotë sa më parë lamtumirë “Djajve të Kuq” teksa po përjeton një sezon zhgënjyes dhe “poshtërues”.
