Deshën “të hiqnin qafe” Raiolan, por “Djall” u bë menaxheri i Haaland
Zbulohet prapaskena në tentativën e dështuar të Manchester United për të blerë talentin e madh norvegjez, Erling Haaland, i cili zgjodhi në fund Borussian e Dortmundit. Drejtuesit e “Djajve të Kuq” u përpoqën të anashkalonin në bisedime menaxherin e 19-vjeçarit, italianin Mino Raiola, por dështuan keq.
Tek United pretendojnë se u tërhoqën nga marrëveshja, pasi refuzuan të përmbushnin kërkesat e Raiola. Në fakt, “DailyMail” shkruan se pati përpjekje për të bërë marrëveshje me babanë futbollistit, ish-mesfushorin e Leeds United, Alf Inge Haaland, i cili gjithashtu përfaqëson djalin e tij.
Por përpjekja e United dështoi dhe ndërkombëtari i Norvegjisë nënshkroi për Dortmundin, pasi klubi gjerman plotësoi klauzolën e blerjes prej 18 milionë paundësh në kontratën e tij.
Dortmundi gjithashtu kanë rënë dakord të kalojë në llogarinë e Raiolas dhe Haaland Senior një pjesë të konsiderueshme të vlerës së shitjes në të ardhmen, që do të thotë se menaxherit do të kontrollojë transferimin e radhës të Haaland, diçka që United nuk ishte i gatshëm të sanksiononte.
Raiola ka luajtur një rol qendror në disa nga transferimet më të shtrenjta të klubit në vitet e fundit. Ai ndihmoi në transferimin e Paul Pogba në “Old Trafford” nga Juventus për një tarifë rekord botëror në atë kohë 89 milionë paundë
Raiola negocioi gjithashtu lëvizjet e Zlatan Ibrahimovicit dhe Henrikh Mkhitaryanin në Manchester si dhe ndërmjetësoi kalimin për 75 milionë paundë të Romelu Lukakut nga Evertoni në verën e vitit 2017.
Mirëpo 52-vjeçari ka zemëruar drejtuesit e United gjatë muajve të fundit, veçanërisht në lidhje me të ardhmen e Pogbasë.
“Problemi i Pogbasë është Manchester United,” – tha Raiola në fillim të kësaj jave. – “Është një klub pa kontakte me realitetin, pa një projekt sportiv. Nuk do të çoja më asnjë futbollist atje. Ata madje do të shkatërronin Maradona, Pelenë dhe Maldinin.”
