Dhunoi një fans, arrestohet Conor McGregor
nga
Postuar ne
Conor McGregor është arrestuar në Florida për shkak të ushtrimit të dhunës ndaj një fansi jashtë një hoteli në Miami. Ylli i UFC-së është akuzuar për “grabitje dhe sjellje kriminale”, ka bërë të ditur policia për “Fox News”. Në bazë të raportit të arrestimit, 30-vjeçari ia kishte thyer telefonin një fansi, i cili kishte dashur t’i bënte fotografi.
McGregor e ka goditur fansin në dorë duke ia rrëzuar telefonin në tokë dhe pastaj e ka shkelur disa herë duke e shkatërruar, ndërsa në fund e ka marrë më vete telefonin dhe është larguar. Fansi u ka thënë policëve se telefoni kushtonte 1.000 dollarë (888 euro), ndërsa Conor duhet të paguajë garanci prej 12.000 dollarësh për t’u lejuar të mbrohet në liri.
