Diskriminimi ndaj grave, Irani rrezikon vendin në Katar 2022/ E zëvendëson Italia?
Irani është një nga kombëtaret e cila ka siguruar pjesëmarrjen në Kupën e Botës, Katar 2022. Përfaqësuesja iraniane i mbylli kualifikueset në vendin e parë në zonën aziatike, megjithatë tashmë gjithçka është vendosur në pikëpyetje prej diskriminit të grave. Transmetuesi shtetëror, Irib, ka bërë të ditur se në ndeshjen ndaj Lebanonit e luajtur më datë 29 mars, 2.000 femra nuk janë lejuar të futen në stadium për të parë nga afër kombëtaren e tyre edhe pse kishin një biletë të rregullt.
Kjo situatë, bie ndesh me një rregull të vitit 2019 të vendosur nga FIFA-s në lidhje me prezencën e gjinisë femërore në impiantet sportive, teksa nuk lejohet më diskrimini i tyre për të hyrë në të tilla evente.
Por, çfarë ndodh nëse Irani skualifikohet nga Katar 2022? Nuk ekziston një rregull i qartë në lidhje me një përjashtim apo tërheqje të një kombëtareje nga Kupa e Botës, teksa në artikullin numër 6 theksohet se FIFA do të ndërmarrë hapat e nevojshëm për të plotësuar numrin e kombëtareve që duhet të jenë në Botëror.
Gjithsesi, opsioni më i mundshëm është ai i shortit në mënyrë rastësore, aty ku mund të ishte edhe emri i Italisë së mbetur jashtë. Gjithsesi, për momentin këto janë thjesht hipoteza, pasi nuk ka asnjë lëvizje në FIFA kundër Iranit.
