Drejtuesit e Galatasaray, në Milano për Nagatomon
nga
Postuar ne
Yuto Nagatomo është duke u përgatitur për t’u përfaqësuar sa më mirë në kampionatin Botëror me Japoninë, por në Milano po diskutohet e ardhmja e tij.
Drejtuesit e klubit turk të Galatasarayt kanë mbërritur në Itali dhe po negociojnë transferimin e tij me homologët e tyre të Interit, skuadër që zotëron kartonin e mbrojtësit anësor.
Zikaltrit synojnë të përfitojnë 4 milionë euro nga kartoni i tij, ndërsa turqit kanë ofruar dy, por mediat italiane raportojnë se ka optimizëm për të mbyllur transferimin për shumën e 3.5 milionë eurove.
Nagatomo luajti i huazuar në 6 muajt e fundit me Galatasarayn, ku u shpall edhe kampion, ndërsa dhuroi paraqitje mjaft të mira, duke u shndërruar në titullar të formacionit të Fatih Terim.
