“Dua të luaj me ju”, David Luiz i vetofrohet klubit të madh italian
Stefan De Vrij dhe Milan Skriniar mund të largohen nga Interi këtë verë, ndërkohë që në arkat e klubit zikaltër do të derdhen shuma të konsiderueshme parash.
Në klubin italian ndërkohë duhet të mendojnë për zëvendësuesit e tyre dhe sipas mediave italiane, në tavolinë u është vendosur një emër i njohur, si David Luiz.
Qendërmbrojtësi brazilian, tashmë 35 vjeç, është pjesë e Flamengo në Brazil dhe ka kontratë deri në fund të vitit, megjithatë nuk “ngroh” aspak drejtuesit zikaltër, për vetë moshën mbi supe.
Vetë braziliano, reagoi ndërkohë mbrëmjen e të dielës dhe tha se është totalisht i përqendruar te Flamengo dhe se nuk ka në plan një rikthim në Europë.
“Veterani” i prapavijës ka luajtur në Angli (Chelsea, Arsenal), Francë (PSG) dhe Portugali (Benfica, Vitoria).
Nga ana tjetër, dy emrat kryesorë që lidhen me mbrojtjen e Interit janë braziliani Bremer i Torinos dhe serbi Nikola Milenkovic i Fiorentinës.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
