E kërkuan edhe në verë, ekipi italian nuk i ndahet Bajramit
Nedim Bajrami është duke zhvilluar sezonin e parë në elitën e futbollit italian teksa aktivizohet me Empolin. Megjithatë, kjo nuk e ka penguar futbollistin e kombëtares të fitojë vëmendjen e të kthehet në një opsion të merkatos për Sassuolon, kjo edhe falë katër golave të shënuar me friulianët.
Në fakt, Sassuolo e ka kërkuar 22-vjeçarin edhe në merkaton e verës mirëpo në atë moment, Empoli këmbënguli për ta mbajtur në organikë shqiptarin. Megjithatë, tashmë Sassuolo është rikthyer edhe njëherë në gjurmët e Bajramit teksa e kërkojnë në merkaton e janarit.
Sondazh/ Sa besoni te agjencitë imobiliare?
Nga Sassuolo pritet që të largohet Filip Djuricic dhe drejtuesit e klubit kanë identifikuar Bajramin si profilin e duhur për skuadrën e tyre. Mbetet për t’u parë nëse kjo tratativë do të përfundojë me një konkretizim pasi Empoli nuk preferon ta lejojë fantazistin të largohet në janar.
