E ndoqi tersi pasi refuzoi Shqipërinë, Kabashi firmos me Dinamon e Bukureshtit
Elvis Kabashi kërkon të rilindë te Dinamo e Bukureshtit. Pasi dështoi në të gjitha tentativat e tij për të bërë hapin e madhe në karrierë në futbollin italian, 25-vjeçari shqiptar ka firmosur me ekipin e famshëm rumun, ku konsideron legjendë Sulejman Demollari.
Kabashi është një emër i njohur për tifozët e Kombëtares Shqiptare, pasi në moshën 19-vjeçare, vetëm pasi kishte luajtur 2 ndeshje me përfaqësuesen kuqezi U-19, refuzoi Shpresat me pretendimin se meritonte katapultimin direkt në Kombëtaren A, që në atë kohë drejtohej nga De Biasi.
Që pas përplasjes me drejtuesit e FSHF-së (Redi Jupi ishte shefi i zyrës së talenteve), Elvis Kabashi nuk po shihte më dritë në karrierën e tij.
I formuar në akademinë e Empolit, një prej më të famshmeve në Itali dhe i transferuar tek Juventus në moshën 18-vjeçare, Kabashi dështoi ne eksperiencat e tij te Pescara, kampionatin holandez e në fund te kategoritë e ulëta në Itali.
Në Rumani do të jetë shok skuadre me Naser Alijin, nga I cili do të ketë mundësi të mësojë shumë gjëra rreth Kombëtares, ku sigurisht për të nuk ka më vend.
