Erzeni prezanton një mesfushor, në Shijak mbërrin ish-lojtari i Bolognas
nga
Postuar ne
Erzeni e nisi rrugëtimin në Superiore me një triumph në premierë ndaj Vllaznisë me rezultatin minimal 1-0, megjithatë tek shijakasit vijon puna për të përmirësuar skuadrën teksa drejtuesit kanë kryer një tjetër goditje në merkato.
Kështu, klubi i Erzenit ka zyrtarizuar marrëveshjen me një mesfushor slloven teksa fjala është për Marko Krivicic. Ky i fundit ka një CV të pasur teksa në të kaluarën ka qenë pjesë edhe e klubit italian, Bologna ndërsa në të kaluarën ka qenë pjesë edhe e Shpresave të Sllovenisë apo Koper në kampionatin vendas.
Tashmë, në moshën 26-vjeçare, Krivicic do të provojë për herë të parë një eksperiencë në Superiore teksa bashkohet me Erzenin në misionin për të bërë një paraqitje dinjitoze në elitë.
