Euroleague e Basketbollit, Fenerbahce e nis me humbje
Euroleague e Basketbollit ngriti siparin me sfidat e raundit të parë, që pa mbi parket gjysmën e skuadrave pjesëmarrëse në këtë edicion. Skuadra kampione në fuqi, Fenerbahce, pësoi një humbje të papritur në parketin e Unicaja-s me vetëm një pikë diferencë, 68-67. Edhe pse tentuan të rikuperonin një diferencë prej 8 pikësh në minutat e fundit, turqit dolën të mundur nga kjo sfidë.
Skuadra finaliste e sezonit të kaluar, Olimpiakos, e nisi mbarë këtë sezon duke fituar 75 – 64 ndaj Baskonias në një sfidë pa shumë ritëm, por të dominuar përgjithësisht nga Printezis me shokë. Ndërkohë Maccavi i Tel Avivit fitoi 88 – 71 në transfertë me Bamberg, Reali i Madridit kaloi po në transfertë 88 – 74 Anadolu Effes, ndërsa CSKA e Moskës iu imponua 93 – 84 Olimpias së Milanos.
Unicaja – Fenerbahce 68 : 67
Bamberg – Maccabi Tel Aviv 71 : 88
Olympiakos – Baskonia 75 : 64
Anadolu Efes – Real Madrid 74 : 88
CSKA Moscow – Olimpia Milano 93 : 84
