Fundjavë “e zezë” për Bayern e Real, gjigantët konfirmojnë krizën
Mbrëmje e errët për gjigantët Real Madrid dhe Bayern Munchen, që vijuan serinë e rezultateve negative në kampionatet repektive, duke mos dalë nga kriza që i ka kapur prej javësh.
Kështu kryeqytetasit spanjollë nuk arritën për herë të 4-t radhazi të mos shënojnë gol, ndonëse këtë herë luajtën një sfidë relativisht të lehtë në transfertën ndaj Alavesit.
Për më tepër, skuadra e Lopeteguit pësoi një gol në minutat shtesë të takimit dhe doli kokë-ulur nga kjo transfertë, duke mos arritur të marrë asnjë pikë.
E njëjta gjë edhe me bavarezët e trajnerit Kovaç, që zhgënjyen në “Allianz Arena”, duke u mposhtur me rezultatin e pastër 0-3 nga Borusia Munchengladbach.
Edhe Bayerni nuk fiton prej 3 ndeshjesh në kampionat, që bëhen 4 nëse u shton edhe barazimin në Champions ndaj Ajaxit, ndërsa tashmë stoli i Kovaç është vërtetë në rrezik.
