Fury-Wilder, “ndizet” dueli që në konferencën për shtyp me sharje dhe ofendime
Tyson Fury dhe Deontay Wilder e prishën armëpushimin duke shtyrë dhe tundur njëri-tjetrin në skenë, ku ishin ngjitur për konferencën e tyre të fundit për shtyp para duelit të së dielës, që do të zhvillohet në La Vegas të Shteteve të Bashkuara të Amerikës. Në një seri kërcënimesh dhe ofendimesh, secili u zotua se do ta shkatërronte tjetrin.
Fury, me syze të errëta, kapuç të zezi dhe xhaketë të bardhë, u kërkoi fotografëve që të qëndronin pas, në distance, duke thënë: “Nuk dua të marr ndonjë të ftohtë ose grip nga ju, djema!”
Ai (Fury) dukej më i qetë në qëndrimin e tij, ndërsa Wilder shumë më emocional. Leksiku i ofendimeve, në këtë përplasje verbale, por edhe fizike, ishte tejet i pasur.
Fury iu drejtua rivalit të tij: “Do të të godas keq në ring, por edhe tani, nëse ju pëlqen!” Të dy deklaruan se i kishin ofruar njëri-tjetrit mundësinë e jetës.
“Kur ju gjeta, ju ziente koka (kokaina),” – iu drejtua Wilder. – “Po mendonit vetëvrasjen. Pra, mos më thuaj kurrë se ishe ti që me dhe mundësinë në boksin e madh.” Kishte gjithashtu të qeshura dhe shprehje dashurie mes tyre.
Wilder, në mënyrë befasuese, përshëndeti emërimin e gjyqtarit të madh të Nevadas, Kenny Bayless, dhe tre gjyqtarëve amerikanë, për këtë duel titulli të peshave të rënda.
