Gattuso: Milan-Lazio duhet të jetë një reklamë për futbollin italian, Kupa objektiv i rëndësishëm!
Genaro Gattuso shpreson që këtë herë Milan-Lazio të jetë një reklamë e bukur për futbollin italian në mënyrë që të harrohen edhe episodet e shëmtuar që ndodhën në sfidën e Serie A mes këtyre dy skuadrave. Të mërkurën në mbrëmje në San Siro do të mësohet finalistja e parë e këtij edicioni të Kupës së Milanit dhe trajneri i kuqezinjëve beson se do të jetë skuadra e tij që do të shkojë në finale.
“ Dy javë më parë u krijuan shumë polemika. Duhet të tregohemi të zotë. Kjo ndeshje duhet të jetë një reklamë për futbollin italian dhe duhet të jemi gati duke treguar edukatë dhe respekt. Me Simone Inzaghin jemi miq prej vitesh dhe do të bëjmë gjithçka për t’u sjellur mirë, do të përshëndetemi para ndeshjes dhe le të fitojë më i miri. Duhet të mendojmë vetëm për fushën e lojës dhe të lëmë gjithçka tjetër mënjanë. Në këtë ndeshje luajmë një pjesë të mirë të sezonit tonë. Të shkojmë në finale është një objektiv shumë i rëndësishëm për ne, duhet të bëjmë një paraqitje të shkëlqyer”.
Gattuso ndërkohë ka përgënjeshtruar lajmet e dala në media se takimi me Jorge Mendes ishte organizuar për të diskutuar për një transferim të mundshëm të trajnerit të kuqezinjëve te Neëcastle në verë.
“ Unë Newcastle? Fjalë të pabaza, e përsëris me Mendes kam një miqësi të shkëlqyer, takohemi shpesh, më pëlqejnë gatimet e mira dhe bisedat për futboll”.
