Gega beson te mrekullia: Maribori i fortë, por ka edhe pika të dobëta
Skënder Gega beson. Pavarsisht humbjes 1-0 në ndeshjen e parë në kryeqytet, trajneri i Partizanit mendon se skuadra e tij i ka të gjitha shanset për të bërë surprizën në Europë dhe për të eliminuar një emër të madh si Maribori.
“Eshtë një ndeshje e rendësishme për ne. Për mua në Tiranë kemi luajtur një ndeshje pozitive kemi patur shanset tona dhe theksoj se jemi përgatitur për të bërë më të mirën. Të jem i sinqerte presioni është mbi Mariborin dhe jo mbi ne por ky është futboll dhe çdo gjë mund të ndodhë. Do isha i kënaqur nëse djemtë do luajnë siç interpretuan pjesën e parë në ndeshjen në Tiranë dhe do të luftojmë deri në fund dhe do të pranojmë verdiktin e fushës në vërshëllimën e fundit.”
Keni pohuar se nuk do të ndryshoni shumë në formacion?
Besoj se tashmë Maribor e ka një ide sesi luan Partizani por gjithsesi çdo ekip ka rezervat e veta. Ne jemi përgatitur e dimë që do jemi nën presion pasi Maribor luan në shtëpi dhe ka mbështetjen e tifozerisë dhe do jetë ndihmë e madhe për ta. Por ne jemi përgatitur për të dyja fushat dhe neser do të jetë një ndeshje e mirë dhe siç e theksova do të përpiqemi deri në fund për të marr rezultat.
Si mund ti shënoni Mariborit?
Siç Maribor na shënoi në Tiranë. Ne kishim shanset tona në takimin e parë ju e patë ndeshjen s’ mund të gjykoj njeri por për mua episodi i Asanit ishte një gabim i arbitrit pasi e pash ndeshjen me qetesi më pas. Ishte një 11 metersh i paster i cili ishte një mundësi shumë e mirë për ne për të shënuar. Shpresoj të kemi të njëjtin shans por jo të njëjtin gabim nga arbitri.
Do të mbështeteni nga shume tifozë në stadiumin e Maribor?
Mbase nuk është momenti i duhur për të luajtur ndeshjet e Europës sepse sapo ka mbaruar kampionati Botëror , por ne kemi shumë mbeshtetës të cilët e dashurojnë bluzën e këtij klubi. Kemi tifozë të mrekullueshëm ata kanë një dashuri të jashtëzakonshme për klubin dhe skuadrën dhe shpresoj që neser ti bëjmë të lumtur dhe krenar.
