Gjilani firmos me ish-futbollistin e Kukësit
nga
Postuar ne
Gjilani sot ka firmosur marrëveshjen e bashkëpunimit me futbollistin kuksian, Fjoart Jonuzi, i cili do të jetë pjesë e Gjilanit për edicionin e ri garues 2019/2020.
Jonuzi, i lindur në vitin 1996 në Kukës, vjen nga Laçi, ku është aktivizuar në dy edicionet e fundit.
Mesfushori më i ri i Gjilanit karrierën futbollistike e kishte filluar me skuadrën verilindore të Shqipërisë, KF Kukësi, pjesë e së cilës ishte nga viti 2013 deri në vitin 2017.
Numëron gjithsej 98 paraqitje në Superiore, duke shënuar 4 gola dhe asistuar 3 herë për gol. Në Kupën e Shqipërisë Jonuzi numëron 22 ndeshje e 4 gola. Jonuzi ka qenë pjesë e përfaqësueseve të moshave të Shqipërisë, ku veçohen përvojat në U-21 dhe U-19.
