Humbet duelet ndaj Interit, mbrojtësi i Barcelonës synon rikthimin në El Clasico
Ndeshjet e Kombëtareve në Nations League, i kushtuan shumë Barcelonës. Disa lojtarë u dëmtuan, mes tyre edhe Jules Kounde. Mbrojtësi francez pësoi një lëndim në duelin Francë-Austri.
Katalanasja Sport.es raporton se 23-vjeçari nuk do të jetë i gatshëm për teknikun Xavi për duelet e së shtunës ndaj Mallorcas së Muriqit, takimin ndaj Celta Vigo-s dhe dy përballjet e Champions League kundër Interit (4 dhe 12 tetor).
Objektivi i qendërmbrojtësit, i cili aktivizohet edhe si mbrojtës i djathtë, është rikuperimi për El Clasico-n ndaj Realit të Madridit. Kampionët e Spanjës dhe Europës, presin Barcelonën në “Santiago Bernabeu” më 16 tetor.
Kounde po punon për të qenë në dispozicion për përballjen më të rëndësishme të kampionatit spanjoll. Ky është objektivi i lojtarit, i cili ka nisur përgatitjet bashkë me lojtarët e tjerë të dëmtuar të Barcelonës.
