“Ju dua të gjithëve”, mesfushori i Brazilit rinovon me klubin anglez
nga
Postuar ne
Aston Villa ka firmosur kontratën e re me Douglas Luiz. Klubi nga Birmingemi bleu mesfushorin shkatërrues nga Manchester City për 17 milionë euro në vitin 2019.
24-vjeçari, i cili numëron 9 ndeshje me kombëtaren e Brazilit, u kërkua me ngulm nga Arsenali në merkaton e verës, por drejtuesit e Aston Villa nuk e shitën.
Luiz ka zgjatur bashkëpunimin me 5 vite të tjera me klubin anglez, teksa pas firmës mbi kontratën e re deklaroi: “Jam shumë i lumtur. E dashuroj këtë klub.
I dua njerëzit që punojnë këtu, stafin dhe shokët e skuadrës. Aston Villa më hapi dyert e Premier League. Dua që tifozët ta kenë të qartë që ndihem i lumtur këtu dhe e dua klubin”, deklaroi lojtari brazilian.
