Juve mposht bindshëm Sampdorian, prek titullin e 7 radhazi
Kur kanë mbetur edhe 6 javë nga fundi i kampionatit italain, Juventusi vijon marshimin drejt titullit të 7 radhazi. Bardhezinjtë mposhtën në shtëpi Sampdorian, me rezultatin e thellë 3-0, duke harruar eliminimin e hidhur në Madrid dhe çuar në 6 pikë diferencën me Napolin ndjekës në kampionat.
Mario Mandzukiç hapi serinë e golave në minutën e 45-të, ndërsa në pjesën e dytë shënuan dy gjermanët Howedes dhe Khedira, që vulosën suksesin e bardhezinjve.
Nga ana tjetër, Sampdoria bëri shumë pak për të ndalur skuadrën e Allegrit, por edhe për të përfituar nga hapi fals i rivalëve për një vend në Europa League.
Të mërkurën Juventusi do të luajë në transfertë ndaj Crotones, ndërsa të dielën e ardhshme do të presë Napolin në ‘Allianz Stadium’, sfidë që pritet të jetë vendimtare për titullin kampion të Serisë A.
Napoli zhgënjen ndaj Milanit, komplikon rrugën drejt titullit
