Kualifikueset e Silverstone/ Thyhet dominimi i Hamilton, zhgënjen sërish Vettel
Është thyer pas 4 vitesh dominimi i Lewis Hamilton në kualifikueset e Silverstone, pasi këtë herë piloti britanik arriti të vendosë vetëm kohën e dytë më të mirë.
E nëse thyhet dominimi i Hamilton, përforcohet dominimi i Mercedes në këtë sezon, pasi edhe në garën britanike, për herë të 7 starti do të jetë i gjithi për “shigjetat e argjendta”, me Valteri Bottas që do të niset i pari.
Vetëm vendi i tretë për pilotin e Ferrarit Charles Leclerc, i cili u përpoq maksimalisht që të “çante” dopietën e Mercedes në start, por në raundin e tretë kualifikues nuk arriti të marrë më të mirën nga makina e tij,.
Kualifikuese tërësisht zhgënjyese për Sebastian Vettel, i cili vendosi vetëm kohën e 6 më të mirë, duke mbetur pas dy makinave Red Bull, Verstappen i katërti dhe Gasly i pesti.
Vlen të theksohet se makinat Ferrari do ta nisin garën me goma të buta, ndryshe nga pilotët e Mercedes që zgjodhën ato mesatare, një tregues ky që “kokëkuqet” do të hyjnë të parat në “pit stop”.
Thyhet dominimi
