Kuqezinjtë e Nevil Dedes mposhtin Kosovën U19 në Drenas
nga
Postuar ne
U zhvillua sot në stadiumin “Rexhep Rexhepi” të Drenasit, miqësorja mes Kosovës U19 dhe Shqipërisë U19, sfidë e cila u mbyll me triumfin 1-3 të kuqezinjve të drejtuar nga Nevil Dede.
Shqipëria e nisi mjaft mirë takimin dhe ushtroi presion, por golin e parë e gjeti Kosova, në minutën e 33-të të pjesës së parë. Reagimi i kuqezinjve ishte në lartësinë e duhur, teksa gjetën golin dy herë sulmuesi i Tiranës Muçi dhe një herë Broja, duke përmbysur rezultatin 1-3 në favor të Shqipërisë.
Vetëm dy ditë më vonë, në Prishtinë do të zhvillohet edhe miqësorja e dytë mes këtyre dy skuadrave, takime këto që po përdoren nga trajnerët respektivë, për të parë nga afër talente të reja.
