Laçi i papërmbajtshëm në merkato, zyrtarizon firmën me Obanor
nga
Postuar ne
Ashtu siç e kishte paralajmëruar Supersport më herët, Erhun Obanor është zyrtarisht futbollist i Laçit. Edhe pse për të kishte interes nga disa skuadra të ligës së parë në Turqi, nigeriani 25-vjeçar ka zgjedhur të qëndrojë në Kategorinë Superiore.
Oferta e kurbinasve e ka bindur mbrojtësin, i cili vetëm pak ditë më parë u largua nga Kukësi, pasi nuk pranoi rinovimin e kontratës.
25-vjeçari ishte një titullar fiks te Kukësi edhe në 2 sfidat europiane ndaj Slavias së Sofje dhe Wolfsburgut. Me Kukësin në Kategorinë Superiore, Obanor u aktivizua në 26 takime sezonin e kaluar.
