Lajm i keq për Anglinë, “ylli” i Liverpoolit humb Europianin
nga
Postuar ne
Lajm shumë i keq për përfaqësuesen e “Tre Luanëve” në prag të Europianit. Lëndimi që pësoi në miqësoren me Austrinë e detyron Trent Alexander-Arnold të largohet nga grumbullimi e për rrjedhojë të humbasë eventin madh veror të futbollit.
Lajmi u dha nga klubi i Liverpoolit në faqen zyrtare:
“Anësori i Liverpoolit pati një problem në kofshë në minutat e fundit të miqësores kundër Austrisë. Alexander-Arnold iu nënshtrua ekzaminimeve këtë të enjte, që fatkeqësisht konfirmuan se dëmtimi nuk e lejon të marrë pjesë në Kampionatin Europian, i cili do të fillojë javën e ardhshme”.
22-vjeçari do të fillojë menjëherë një program rehabilitimi në funksion të kthimit në radhët e “The Reds” për fazën përgatitore të sezonit të ri.
