Lajm i mirë për Barçën, talenti kalon dëmtimin dhe rikthehet pas 3 muajsh mungesë
Ansu Fati ka kaluar një periudhë të gjatë jashtë fushës së blertë, plot tre muaj, për shkak të dëmtimeve, por tashmë sulmuesi 19-vjeçar i Barcelonës është gati të bëjë rikthimin e tij të shumëpritur, ndërsa këtë të dielë është pjesë e skuadrës së grumbulluar nga Xavi për ndeshjen me Real Mallorca-n.
Spanjolli kishte një shqetësim në muskujt e këmbës, që e penguan atë të luante për tre muajt e fundit. Sot Barcelona ka zbuluar se Fati do të jetë pjesë e skuadrës së tyre për takimin në shtëpi me Mallorca-n.
Ai luajti në vetëm 10 ndeshje në të gjitha garat sezonin e kaluar dhe shënoi pesë gola. Aktualisht Barça ka ende edhe pesë ndeshje për të luajtur për sezonin 2021-2022, me Fatin të etur për të luajtur sa më shumë minuta që të jetë e mundur.
Për herë të fundit talenti, që ka marrë numrin 10 që më parë mbahej nga Lionel Messi, luajti më 20 janar në “San Mames” kundër Athletic Bilbao, me 19-vjeçarin që qëndroi në fushë vetëm 35 minuta në atë takim.
The squad for #BarçaMallorca!
BONUS: @ANSUFATI pic.twitter.com/apllsnzx5J
— FC Barcelona (@FCBarcelona) May 1, 2022
