Legjenda e futbollit, “i pamëshirshëm” me “Djajtë e Kuq”: Ecnin në fushë sikur t’i kishin rrahur
Legjenda holandeze futbollit, Marco van Basten, hedh dyshime mbi vendimin e bashkëkombësit të tij, ten Hag, për të marrë përsipër drejtimin e Manchester United. Van Basten foli me skepticizëm për përvojën që e pret trajnerin aktual të Ajaxit, pas paraqitjes së zymtë të “Djajve të Kuq” kundër Liverpoolit (u mposhtën 4-0).
57-vjeçari tha se “diferencat në cilësi mes Liverpoolit dhe Manchester United ishin të mëdha” dhe se futbollistët e Manchesterit “ecnin në fushë sikur t’i kishin rrahur”. Ai gjithashtu e etiketoi Harry Maguire si një shpërndarës të dobët të topit.
“Ata luajnë në një nga klubet më të mëdha në Angli, por asnjëri prej tyre nuk tregoi asgjë. Maguire e kalon topin në të njëjtën mënyrë dhe ti mendon: “Nuk e di, po e bën?” Ata nuk po mendojnë për zgjidhje, është e pabesueshme.”
Rezultati 4-0 ka ngritur pikëpyetje mbi qëndrimin e lojtarëve të Manchester United. Shumë analistë, madje edhe ish-figura të njohura të United, e konsiderojnë skuadrën aktuale më të keqen prej shumë vitesh.
Manchester United tani është në vendin e gjashtë me 54 pikë, tri më pak se Tottenhami dhe Arsenali, që kanë nga një ndeshje më shumë për të zhvilluar.
