Leipzigu siguron Haalandin e ri, fiton garën me klubet angleze
Benjamin Sesko është një nga sulmuesit më premtues të futbollit europian dhe talenti i radhës që po rrit Salzburgu, klub që vitet e fundit ka nxjerrë lojtarë si Sadio Mane, Erling Haaland, Dayot Upamecano, Naby Keita, Takumi Minamino apo Amadou Haidara.
19-vjeçari slloven luan në qendër të sulmit dhe ndiqet nga shumë klube të njohura, sidomos nga Manchester United, Manchester City dhe Chelsea. Gjithsesi, e ardhmja e Seskos quhet Leipzig.
Drejtuesit e klubit gjerman janë pranë marrëveshjes për të siguruar lojtarin shtatlartë në sezonin 2023/2024. Leipzigu e donte menjuëherë, por Salzburgu insistoi ta mbajë edhe një sezon Seskon.
Kështu ka ndodhur, sulmuesi do të jetë pjesë e kampionëve të Austrisë edhe një sezon, për t’u transferuar verën e ardhshme në Bundesliga te Leipzigu, që ka huazuar Angelinon te Hoffenheim.
Anësori i majtë ka kaluar me sukses testet mjekësore te klubi i ri. Në bazë të akordit me Leipzigun, klubi i Hoffenheim do ketë mundësinë të blejë kartonin e 25-vjeçarit në fund të sezonit për 20 milionë euro.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
