Lëvizje të bujshme në NBA/ Westbrook bashkohet me Harden, Chris Paul rikthehet te Ocklahoma
Me përfundimin e sezonit 2018-2019, edhe në NBA po zhvillohet një merkato shumë “e nxehtë” me disa yje të basketbollit, që kanë ndërruar ambient gjatë këtyre ditëve të verës.
Së fundi, mediat amerikane raportojnë se Russell Westbrook do të largohet nga Ocklahoma City Thunder, pas plot 11 vitesh me fanellën e kësaj skuadre, për t’iu bashkuar Houston Rockets.
Këtu Westbrook do të gjejë edhe James Harden, me të cilin kanë luajtur bashkë për dy sezone, duke shkuar deri në finale në vitin 2011, ku humbën përballë Miami Heat, ndërsa tashmë Houston do të ketë mundësi të tentojë sërish triumfin në NBA, me dy prej basketbollistëve më të mirë në gjirin e skuadrës.
E ndërkohë që Russell Westbrook, la Ocklahomën pas 11 vitesh, Chris Paul bën rrugën e kundërt, duke lënë Rockets për t’iu bashkuar City Thunder, skuadër në të cilën edhe nisi karrierën si profesionist.
“Shitëm dashurinë tonë më të madhe, për të marrë në këmbim dashurinë tonë të parë” shkroi në Twitter kryebashkiaku i Ocklahoma City, David Holt.
