Lewandowski prezantohet te Barça: Ishte e vështirë për mua, klub me histori të mrekullueshme
Pas një këmbëngulje të gjatë, më në fund Robert Lewandowski është një futbollist i Barcelonës me katalanasit që paguan plot 50 milionë euro për ta transferuar nga Bayern Munich. Sulmuesi foli për herë të parë në konferencë si një lojtar i blaugranave teksa theksoi se
“Jam shumë i lumtur që jam këtu, ishte një punë e vështirë për t’u bashkuar me Barcelonën. E di që tashmë përpara kemi shumë punë, por unë e pashë në miqësore potencialin që ka skuadra dhe jam gati të jem pjesë e këtij klubi që ka një histori të mrekullueshme.
Në ditët e fundit kam bërë stërvitje dhe mendoj se jam gati të jem pjesë e skuadrës, shpresoj të jem gati që në ndeshjen e radhës. Ajo çfarë ka ndodhur në ditët e fundit ka qenë e pabesueshme për mua, por ky është futbolli.
Ecën me një shpejtësi marramendëse. Si sulmues shpresoj të shënoj shumë gola dhe të fitojmë ndeshjet. Është një sfidë e re për mua, por unë dua të fitoj dhe jam në klubin më të mirë për ta bërë këtë”, u shpreh 34-vjeçari.
