Liga franceze, ultimatum PSG-së për Ben Arfa
Bën bujë në Francë përjashtimi i Hatem Ben Arfa nga trajneri i Paris Saint Germain, Unai Emery për dy sfidat ndaj Bayern-it në Champions League dhe takimin e fundjavës së kaluar përballë Bordeaux në kampionat.
Avokati i futbollistit ka denoncuar në ligën franceze lënien jashtë të klientit të tij, me Ben Arfa që u përjashtua nga skuadra për duelin ndaj kampionëve të Gjermanisë ndërsa më pas u dërgua të stërvitej me ekipin rezervë. Ish lojtari i Nice i ka ngelur në derë skuadrës pariziene me PSG, që nuk arriti ti gjente një destinacion të ri Ben Arfa në merkaton e verës, por tashmë klubi kryeqytetas është në telashe, pasi liga franceze e futbollit i ka kërkuar një arsyetim me shkrim Parisit për lënien jashtë skuadre të 30-vjeçarit nga ana e stafit teknik në dy takimet e fundit.
PSG-ja ka dy javë kohë për të dërrguar një sqarim me shkrim në ligën franceze, në të kundërt mund të merren masa ndaj klubit parizien, pasi avokati i futbollistit ka bërë gjithashtu me dije se Ben Arfa pa asnjë arsye është përjashtuar përgjithmonë nga skuadra dh jo vetëm përkohësisht.
