Luftëtari prezanton Likën: T’i largohemi fundit!
Hasan Lika u prezantua këtë të mërkurë si trajneri i ri i Luftëtarit, pas largimit të uruguajanit Curbelo. Presidenti Grigor Tavo u shpreh i sigurt se me një trajner me përvojë si Lika skuadra do të ketë vazhdimësi në rezultate dhe do të largohet nga zona e ftohtë.
Vetë 57-vjecari theksoi se objektivi primar është të kalohet kjo situatë e vështirë, ku ndodhet ekipi, sigurisht duke u bazuar edhe në ato aspekte pozitive që ka trashëguar që nga sezoni i kaluar.
“Koha për të përgatitur ndeshjen me Kukësin është e shkurtër, por ne do të mundohemi që të shfaqim anët tona pozitive. Synimi ynë është t’i largohemi sa më parë fundit, pastaj mund të flasim për objektiva më të rëndësishëm.”
Takimi i parë i Likës në krye të Luftëtarit do të jetë sfida me Kukësin, ish-skuadrën e tij, që tashmë drejtohet nga Mladen Milinkovic, gjithashtu një ish në këtë përballje.
