Luftëtari ‘shtang’ Flamurtarin në Vlorë, ‘ndizet’ gara për Europën
Flamurtari dështon të fitojë me Luftëtarin në përballjen e tretë sezonale me tyre, madje kuqezinjtë pësuan një humbje të papritur 0-1 para publikut vendas, duke mos përfituar nga ndalesa e Kukësit në “Zeqir Ymeri” me Skënderbeun. Golin e vetëm të sfidës në stadiumin “Flamurtari” e realizoi Vasil Shkurtaj, që po shndërrohet gjithnjë e më tepër pikë referimin në sulmin bluzi.
Në pjesën e parë Flamurtari ishte më i rrezikshëm në manovrën sulmuese, por si Nedjelkoviç me kokë në të 37-ën, ashtu dhe Pollozhani shumë pranë zonën së portierit nuk arritën ta mposhtnin Ruçin.
Luftërari, një skuadër me shumë cilësi në sulm, godet në të 54-ën me Vasil Shkurtajn, që i shërbyer nga Abazaj e la të palëvizur portierin Nukovic.
bluzinjtë, të çliruar psikologjikisht, kundërsulmuan rrezikshëm edhe pak çaste më vonë, por finalizimi linte për të dëshiruar.
Në minutën e 61-të Duro bën një zëvendësim të detyruar, pasi portieri Nukoviç, i dëmtuar, ia lë vendin Pano Qirkos. Në minutën e fundit, vlonjatët patën mundësinë më të mirë për të barazuar, por nuk arritën të dërgojnë topin në rrjetë.
Pas kësaj disfate Flamurtari mbetet në vendin e 3-të në të njëjtën kuotë pikësh me Kukësin, ndërsa Luftëtari parakalon Partizanin dhe rrit ambiciet për një vend në zonën europiane.
