Luka Modriç i “pavdekshëm”, Reali i ofron sërish rinovimin!
Edhe pse me 36 vite mbi supe, Luka Modriç vijon të jetë një nga më të mirët e botës në rolin e tij. Mesfushroi kroat po tregon si në Kombëtare ashtu dhe tek Real Madrid se për të mosha është vetëm një numër dhe asgjë më tepër. Paraqitjet e tij në muajt e fundit i kanë bindur drejtuesit e galaktikëve për t’i ofruar një kontratë të re një herë fituesit të Topit të Artë se paku dhe për një sezon tjetër.
Me kontratën e re, Modriç prtiet që të jetë pjesë e Real Madrid së paku deri në verën e vitit 2023. Dëshira e mesfushroit është që të vijojë të qëndrojë në “Bernabeu”, ku po bën mjaft mirë. Nëse gjërat do të shkojnë mirë atëherë Modriç do të luante për të 11-in edicion me fanellën e “Los Blancos” , çka do ishte një rekord që e kanë arritur shumë pak lojtarë. Kroati u transferua në vitin 2012 si një bast i Jose Mourinhos, por rezultoi një goditje e vërtetë, me mesfushorin që është kthyer në shtyllat e skuadrës për një dekadë.
Synimet e Modriç janë të japë kontributin e tij maksimal dhe në Kupën e Botës Katar 2022, si dhe të fitojë një tjetër titull me ekipin e ReaL Madrid. Drejtuesit e galaktikëve kanë menduar që të gjejnë një pasues për kroatin, pasi ai nuk mund të luajë përjetësisht, por do të jetë e vështirë për të zëvendësuar një lojtar që numëron 402 ndeshje zyrtare në të cilat ka shënuar 28 gola dhe ka shërbyer 64 asiste.
