Maldini pranon shitjen e klubit dhe “ankohet” për dëmtimet e Ibrës
Zërat për shitjen e Milanit nga fondi amerikan Elliot, në një tjetër me qendër në Bahrein, kanë bërë xhiron e botës gjatë të premtes, teksa konfirmimet kanë ardhur edhe nga legjenda e kuqezinjve, Paolo Maldini.
“Di shumë pak për këtë çështje, por një shitje e klubit në të ardhmen është padyshim një proces normal. Megjithatë nuk e di kur do të jetë momenti i shitjes së klubit”, tha Maldini.
Milani do të kremtojë pashkët në krye të renditjes, me ëndrrën për të fituar titullin kampion, teksa Maldini pranon se dëmtimi i Ibrahimoviç ka prishur jo pak planet e kuqezinjve.
“Dëmtimi i Ibrës nuk na duhej në këto momente, pasi e kemi të nevojshëm në fushë. Në janar nuk ndërhymë në merkato, pasi nuk e prisnim që Ibra të mbetej kaq gjatë jashtë fushave. Origi? Jemi 5 javë larg fundit të kampionatit dhe nuk dua të flas për merkaton, por për ëndrrën tonë”, deklaroi Maldini.
