Manchester UTD mendon për portën, anglezët “piketojnë” pasuesin e De Gea
Manchester United vijon punën në merkato dhe pas transferimit të Casemiro, por edhe objektivave të tjerë, “Djajtë e Kuq” po mendojnë edhe për portën.
David de Gea është “numri një” i shtyllave te United, por drejtuesit e shohin të nevojshme afrimin e një portieri me eksperiencë.
Për momentin Manchester United disponon përpos de Gea, 22-vjeçarin Matej Kovar, 36-vjeçarin Tom Heaton dhe 22-vjeçarin Nathan Bishop dhe anglezët janë bërë gati për të dërguar ofertën zyrtare te Frankfurt për shërbimet e Kevin Trapp.
Gjermani është “i padiskutueshëm” në shtyllat e Eintracht Frnakfurt dhe ka nisur sezonin e tij të pestë në Bundesliga, pasi mbylli aventurën me PSG në verën e vitit 2018.
32-vjeçari triumfoi sezonin e kaluar në Europa League me gjermanët, ndërsa tani projekti i United mund ta tundojë për të ndryshuar kampionat dhe për të luajtur për herë të parë në karrierë në Premier League.
