Marrëveshja për Haaland, Perez takohet me Watzke
Real Madrid është shumë i interesuar për Erling Haaland dhe ndaj është vënë në lëvizje për të arritur afrimin e sulmuesit norvegjez. Mediet në Itali raportojnë se presidenti i Borussia Dortmund, Joachim Watzke do të udhëtojë drejt Madridit këtë javë për t’u takuar me kreun e Realit, Florentino Perez.
Real Madrid dëshironte ta linte edhe një vit sulmuesin e Dortmund të priste duke ditur se Karim Benzema vijon të jetë në top-formë, por duke parë interesin e lartë që kanë shfaqur për Haaland klubet e tjera, spanjollët janë vënë në lëvizje.
Sa i përket Dortmund, klubit gjerman i intereson ta shesë lojtarin, nga i cili do të përfitonte një shifër të “frikshme”, ndërsa duket se ka gati edhe zëvendësuesin e norvegjezit, i cili duket se do të jetë Karim Adeymeni i Salzbuerg.
