Marseille kënaq trajnerin kroat, firmos me dy futbollistë të tjerë
nga
Postuar ne
Pasi vendosi t’i besojë pankinën kroatit Igor Tudor, Marseille ka nisur t’i plotësojë edhe dëshirat në merkato, teksa mbrëmjen e të mërkurës shtoi në organikë një mbrojtës dhe një portier.
I pari që u prezantua te marsejezët ishte mbrojtësi anësor Jonathan Claus, i cili vjen nga Lensi për shifrën e 8.5 milionë eurove dhe firmosi kontratë 3-vjeçare në “Velodrome”.
Futbollisti 29-vjeçar pritet të shndërrohet në titullar në skemën 3-5-2-1 që Tudor do të aplikojë, ndërsa Marseillë blindoi edhe portën me spanjollin 26-vjeçar Ruben Blanco.
Ky i fundit erdhi nga spanjollët e Celta Vigos në huazim një vjeçar, ndërsa Marseille ka ruajtur edhe të drejtën e blerjes.
