Martial beson te largimi i Mourinhos, gati të rinovojë me Man. United
nga
Postuar ne
Anthony Martial nuk po kalon një periudhë aspak të lumtur te Manchester United, por pavarësisht kësaj, francezi është gati të nënshkruajë rinovimin e kontratës.
Kjo pasi ai beson se Jose Mourinho, “armiku i betuar” i tij në “Old Trafford”, do të largohet sa më shpejt nga Manchester United dhe më pas do të ketë mundësinë të tregojë veten me një tjetër trajner.
22-vjeçari iu bashkua Manchesterit në vitin 2015, ndërsa me kontratën e re i përmirësohet ndjeshëm edhe paga, pasi do të përfitojë rreth 130 mijë paund në javë.
Në 3 sezone me Manchetserin, ylli francez ka luajtur për 87 takime dhe ka arritur të shënojë 24 gola, ndërsa me Mourinhon marrëdhënia e tij ka pasur luhatje të vazhdueshme.
