Mbyllet pa gola në Gjakovë, Vëllaznimi shkon në finale
Vëllaznimi i Gjakovës siguron finalen e Digitalb Kupës së Kosovës, duke eliminuar Dritën e Gjilanit falë golit në fushën kundërshtare. Përfundoi 0-0 kjo sfidë e zhvilluar në Gjakovë, por duke qenë se takimi i parë kishte përfunduar 1-1 u takon kuqezinjve vendës ta tentojnë trofeun e dytë më të rëndësishëm në vend në finale. Drenica provoi me të gjitha format për të shënuar, por formacioni i Arsimn Gojanit u mbrojt mirë, duke shfrytëzuar rezultatin e ndeshjes së parë.
Spektakël në tribunat e stadiumit, që ishin mbushur plot e përplot nga tifozët vendas.
Trajneri i gjakovarëve, Arsim Gojani, në intervistën pas ndeshjes deklaroi se skuadra e tij e meritoi finalen.
Dëshira për të shkuar në finale ishte e madhe. Ishim më tepër në presion, sepse kishim epërsinë e rezultatit të ndeshjes së parë. Drenica ishte e detyruar të kërkonte më shumë. Djemtë dhanë maksimumin jam shumë i lumtur që shkuam në finale.
Ndërsa kolegu u tij, Sadat Pajaziti, u shpreh se ndjen keqardhje për faktin se tifozët e Dritës mbetën të zhgënjyer.
I uroj kualifikimin Vëllaznimit, por kjo ishte forca jonë, provuan por nuk mundën të bënim më shumë. Nuk më vjen keq për rezultatin apo lojën e dobët, por për tifozët tanë që kanë mbetur të zhgënhyer. Mendonim se do ta fitonim Kupën në këtë sezon.
