Medel drejt rikthimit në Itali, kontakte të avancuara me…
Vetëm pak ditë më parë Gary Medel u bë protagonist i një sherri qesharak me Lionel Messin, që u kushtoi të dyve përjashtimin nga ndeshja e vlefshme për vendin e tretë të Kupës së Amerikës, mes Argjentinës dhe Kilit.
“Pitbull”, siç cilësohet ndryshe kapiteni i kilenëve, tani ka përfunduar në “radarët” e Fiorentinës, që ka ndërmend të rrëmbejë mesfushorin nga Besiktasi dhe ta rikthejë në Serinë A, aty ku Medel luajti për 3 sezone me Interin.
Klubi vjollcë kërkon të kënaqë Montellën, duke i vënë në dispozicion një mesfushor me mjaft grintë, që për më tepër arrin të shprehet mjaft mirë edhe në qendër të mbrojtjes, duke u konfirmuar si një futbollist polivalent.
Nga ana tjetër, zyrtarët e klubit të Besiktasit kanë theksuar se kartoni i Gary Medel vlen 6 milionë euro dhe se janë gati të negociojnë vetëm një shitje përfundimtare, kushte me të cilat Fiorentina ka rënë dakord.
