Monaco, pikë kthese me Olimpique Marseille në “Velodrome”
nga
Postuar ne
Skuadra e Monacos, e parafundit në Ligën e Parë në Francë, mori një pikë “të rëndë” në “Velodrome” ndaj Olimpique Marseille, duke barazuar 1-1 në këtë transfertë. Sigurisht që ky rezultat nuk ka ndonjë peshë të madhe në renditje, por vlen shumë për moralin e skuadrës për pjesën e mbetur të sezonit.
Lopez i Olimpique Marseille realizoi golin e parë të takimit në minutën e 13-të. Skuadra nga Principata arriti të reagonte në minutën e 38-të, duke barazuar me Tielemans.
Në pjesën e dytë rezultati nuk ndryshoi më, me të dyja skuadrat që ndanë nga një pikë. Për Monacon kjo pikë mund të jetë si pikënisje, teksa ka siguruar së fundmi shërbimet e Fabregas dhe është shumë pranë firmës edhe me Michy Batshuayi.
