Moto GP, Vinales niset i pari në ‘shtëpi’
Moto GP do të zhvillojë sot garën e pestë nga fundi, në Aragon të Spanjës dhe pikërisht spanjolli Maverick Vinales do të niset i pari, pasi regjistroi kohën më të mirë, në kualifikueset e djeshme.
Menjëherë pas pilotit të Yamaha-s, do të niset Lorenzo, por vlen të përmendet rezultati mjaft i mirë i Valentino Rossi-t, në kualifikueset e djeshme. ‘Doktori’ u rikthye vetëm 23 ditë pas dëmtimit dhe arriti të regjistrojë kohën e tretë më të mirë, në Moto GP Aragon.
Piloti i cilësuar si favorit i kësaj gare, Marc Marquez rrëshkiti me Honda-n e tij në xhiron më të mirë dhe do të niset i pesti nga fundi në garën e sotme. Edhe rivali i tij për titullin kampion, piloti i Dukatit, Dovizioso nuk mori rezultat të mirë në kualifikuese dhe do të niset i shtati.
Moto GP Aragon do të startojë në orën 14:00 dhe pritet me mjaft interes, pasi kampionati ka hyrë në fazën finale, me vetëm pesë gara të mbetura.
