Mungon Perotti, supersticiozët e Romës “fërkojnë duart”
Mungesa e Diego Perottit në “San Siro” ndaj Interit e ka shqetësuar jo pak trajnerin e Romës Eusebio Di Francesco, që gjithmonë ka patur besim te lojtari argjentinas. Por nëse u referohesh disa statistikave të veçanta të dy viteve të fundit, mosprania e Perottit shihet me sy pozitiv nga supersticiozët.
Në 9 ndeshje të Serisë A pa Perottin në dispozicion, verdhekuqtë kanë marrë gjithmonë maksimumin e pikëve.
Mungesa sigurisht mbetet shumë e rëndësishme për Di Francescon, por numrat mund të injektojnë besim në aspektin psikologjik në prag të ndeshjes më të rëndësishme të javës në Serinë A.




