“Mushkëritë e Nunez po shpërthenin”, Klopp: Ia morëm shpirtin me ato topa
Liverpool luajti keq në miqësoren ndaj Manchester United. “The Reds” u mposhtën 4-0 në takimin ku debutoi Darwin Nunez, për të cilin u shpenzuan 80 milionë euro + 20 në formë bonusesh për ta marrë nga Benfica.
Sulmuesi uruguaian ka nevojë për kohë për t’u përshtatur me nënkampionët e Anglisë dhe Europës, teksa Jurgen Klopp komentoi cilësitë e tij në prononcimin pas humbjes me “Djajtë e Kuq”.
“Darwin është një numër 9 që mund të luajë edhe në krah. Shokët e skuadrës e kërkonin pavarësisht se nuk ishte stërvitur shumë me ne. Mendoj se pas sprintit të tretë, mushkëritë e tij ishin gati të shpërthenin.
Ne gati e vramë me ato topa, por ai hyri mirë në lojë dhe shokët po tentonin t’ia pasonin topin. Kjo është padyshim një nga pikat e tij më të forta.
Profili i tij është ai i një numri 9 të pastër, kështu që është diçka e bukur që e kemi në ekipin tonë. Darwin do t’i japë Liverpoolit shpejtësi, agresivitet dhe aftësi për të kontrolluar topin”, deklaroi trajneri gjerman.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
