“Ndahet” nga Liverpool, gati aventura italiane për Origi-n
nga
Postuar ne
Divock Origi do të largohet nga “Anfield”, pasi nuk ka rinovuar kontratën me Liverpool. Në një postim në rrjetet sociale, “The Reds” kanë bërë me dije se 27-vjeçari nuk do të jetë më pjesë e tyre pasi t’i skadojë kontrata, pra pas 30 qershorit.
“Faleminderit për këto tetë vite të pabesueshme dhe që na le me kaq shumë kujtime të veçanta, legjendë e Liverpool-it,”-shkruhet në postimin e klubit anglez.
Aventura e radhës e sulmuesit pritet të jetë në Itali, ku belgu raportohet se do të jetë afrimi i parë i kësaj vere te Milan. Sezoni i fundit te Liverpool nuk mund të cilësohet më i miri i mundshëm për Origin, pasi ai luajti gjithsej në 18 ndeshje në të gjitha kompeticionet dhe në to shënoi 6 gola dhe dha 4 asiste.
