Nurnbergu i merr pikë Bayernit, titulli çështje e hapur
Bayerni i Mynihut nuk përfitoi nga humbja 2-4 e Borussias së Dortmundit ndaj Schalkes për të për “vrarë” përfundimisht garën për titull në Bundesligë. Bavarezët barazuan 1-1 në fushën e Nurnbergut duke e çuar në dy pikë diferencën me verdhezinjtë, çka do të thotë se shpresat e Dortmundit për titullin kur janë në lojë 9 pikë, mbeten reale.
Skuadra e Niko Kovacit ishte madje me fat, pasi në minutën e 2-të shtesë Leibold i Nurnbergut humbi një 11 metërsh, me topin që përfundoi në shtyllë.
Të dyja skuadrat e gjetën rrjetën në pjesën e dytë, teksa takimi i zhbllokua nga Pereira në minutën e 48-të, por Gnabry kthey baraspeshën në rezultat në të 75-ën.
Në tri javët e fundit, Bayerni mund t’ia lejojë vetes edhe një barazim (Bayern-Hannover, Leipzig-Bayern, Bayern-Eintracht Frankfurt) për t’u shpallur kampion, ndërsa dy barazime ose një humbje, shoqëruar me tri fitore të Dortmundit, do të bënin që titulli të shkonte për verdhezinjtë.
